Mae Llywodraethwyr Ysgol Bro Teifi yn awyddus i benodi addysgwr blaengar a chydwybodol i ymuno a Adran Fathemateg yr ysgol fel athro/athrawes Mathemateg, i addysgu yn bennaf ym mlynyddoedd 7 i 9, i ddechrau ar 1af o Fedi 2026. Mae hwn yn gyfle i athro/athrawes profiadol i ddysgu mewn ysgol flaengar gyda chyfleusterau modern. Byddwn yn croesawu ceisiadau wrth athrawon sydd wedi eu hyfforddi yn yr oed uwchradd yn ogystal ag athrawon oed cynradd sydd yn arbenigo mewn Mathemateg ar gyfer y swydd hon.
Bydd yr ymgeisydd llwyddiannus yn:
- angerddoldros ddysgu eu pwnc ac a dawn Fathemategol
- addysgwr rhagorol
- ymroddedig i sicrhau bod pob disgybl yn cyrraedd eu potensial.
Ysgol gydol oed 3-19 yw Ysgol Bro Teifi wedi ei lleoli y tu allan i dref Llandysul yn ne-ddwyrain Ceredigion. Mae rhyw 45 munud o daith o ddiwedd yr M4 a 30 munud o dref Caerfyrddin. Mae'r ysgol yn gwasanaethu ardal wledig, Gymreig gyda thua 79% o'r disgyblion yn siarad Cymraeg yn rhugl a bron i 64% yn siarad Cymraeg yn y cartref. Agorwyd yr ysgol ym Medi 2016, yn dilyn buddsoddiad o £30m gan Gyngor Sir Ceredigion a Llywodraeth Cymru. Bro Teifi ydy'r ysgol pob-oed, cyfrwng Cymraeg cyntaf yng Nghymru ac mae'n cynnig cyfleusterau dysgu o'r radd flaenaf ar gyfer yr holl ddisgyblion, o'r lleiaf i'r hynaf.
Ers iddo agor mae nifer y disgyblion wedi cynyddu ac ar hyn o bryd mae 850 o ddisgyblion yn yr ysgol gydag 85 yn y chweched dosbarth.
Mae'r ysgol wedi cael adolygiad gan Estyn ac nodwyd bod staff a disgyblion yn cydweithio'n agos i greu awyrgylch deuluol a chynnal ethos cynhwysol a gofalgar. Mae staff yn adnabod eu disgyblion yn dda iawn ac yn sicrhau bod popeth sydd eu hangen arnynt o ran gofal a chefnogaeth ar gael yn ddi-rwystr. O'r dysgu sylfaen i'r chweched dosbarth, mae'r disgyblion yn gwireddu arwyddair yr ysgol, 'Oni heuir, ni fedir', yn llwyddiannus, gan fanteisio ar y cyfleoedd i ddatblygu'n ddinasyddion gyfrifol, parchus a charedig.
Mae'r disgyblion yn gwneud cynnydd addas dros amser, gan ystyried eu hoed a'u gallu. Mae'r rhan fwyaf o ddisgyblion yn ymddwyn yn dda yn eu gwersi ac o gwmpas yr ysgol. Maent yn dangos parch at ei gilydd ac at staff ac maent yn annwyl a chroesawgar gydag ymwelwyr. Mae bron bob disgybl yn y chweched dosbarth yn arddangos agweddau arbennig o gadarnhaol.
Mae arweinwyr a staff yn cynllunio'n fwriadus i fodloni nifer o flaenoriaethau lleol a chenedlaethol; er enghraifft, mae staff yn hybu'r Gymraeg a Chymreictod yn hynod o lwyddiannus. Datblygant falchder disgyblion at eu hiaith, eu hunaniaeth a'u treftadaeth yn gelfydd.
Mae'r gallu i weithio trwy gyfrwng y Gymraeg yn hanfodol ar gyfer y swydd hon.
